Tirana po bëhet shpejt një qendër kryesore për startup-et dhe inovacionin teknologjik, fakt i konfirmuar nga investimi i fundit që Patoko, platforma me rritjen më të shpejtë për shërbime online dhe lëvizshmëri, ka marrë nga fondi K4S6 i sipërmarrësit shqiptaro-amerikan Kevin Sekniqi.\ K4S6, themeluar nga Sekniqi, është një fond investimi dhe inkubator që mbështet startup-et me potencial të lartë në Shqipëri, duke ofruar financime nga 25,000 deri në 250,000 dollarë. Patoko është startup-i i parë që siguron mbështetjen e K4S6, duke u vlerësuar për ekipin e tij të fortë, planet e qarta të rritjes dhe potencialin për zgjerim global.\ Patoko, i njohur tashmë si një \\\"super aplikacion\\\", ofron shërbime të ndryshme si rezervime taksish, shërbime shtëpiake, rezervime estetike dhe një sistem besnikërie. Vetëm gjatë vitit 2024, Patoko ka regjistruar mbi 194,000 përdorues dhe ka më shumë se 700 taksi aktive në platformë.\ Kevin Sekniqi, figurë e njohur ndërkombëtarisht për kontributin në teknologjinë blockchain dhe bashkëthemelues i Ava Labs, ka shprehur se ky investim nuk është thjesht financiar, por edhe një sinjal i fortë për potencialin që ka ekosistemi shqiptar i startup-eve.\ Me mbështetjen e K4S6, Patoko synon të zgjerojë shërbimet e tij, të përmirësojë vazhdimisht përvojën e përdoruesve dhe të vendosë standarde të reja në tregun rajonal dhe ndërkombëtar të shërbimeve të integruara. Ky bashkëpunim strategjik thekson se Shqipëria është në prag të një epoke të re inovacioni dhe zhvillimi teknologjik.