Fafa Resort është një ndër resortet më të njohura në zonën e Golemit, e cila ka përjetuar një rritje të madhe në turizëm gjatë viteve të fundit, falë përmirësimit të infrastrukturës lokale. Menaxheri i përgjithshëm, Albulen Ndrepepaj, tregon se turistët tashmë kërkojnë përvoja më autentike, duke preferuar kombinimin e luksit me traditën lokale. Resorti përshtatet vazhdimisht duke ofruar shërbime të personalizuara, dhoma me pamje nga deti dhe aktivitete të dedikuara mirëqenies.\\\ Për sezonin turistik të vitit 2025, pritshmëritë janë optimiste, me një vazhdimësi të turistëve nga Europa Juglindore dhe rritje të interesit nga vendet nordike, Spanja, Anglia, Izraeli dhe Kina. Profili i turistëve mbetet i ngjashëm, me dëshirë për të zbuluar eksperienca të reja.\\\ Në lidhje me konkurrencën, Fafa Resort nuk e sheh atë në nivel lokal, por sfidën kryesore e shikon në përmirësimin e vazhdueshëm të shërbimeve të veta, me qëllim që të bëhet destinacioni kryesor në Shqipëri.\\\ Në vitin 2025, resorti do të investojë në modernizimin e infrastrukturës, duke përmirësuar ndriçimin, ambientet e jashtme dhe të brendshme, dhe duke ofruar facilitete të veçanta për fëmijë, si kënde lojërash dhe aquapark.\\\ Vendet kryesore që pritet të vizitojnë Shqipërinë janë grupuar në katër kategori: diaspora shqiptare, turistët tradicionalë nga vendet baltike, nordike dhe europiane, vizitorët nga shtetet fqinje më të vogla, si dhe vizitorët nga tregje të reja si Anglia, Spanja, Gjermania dhe Izraeli.\\\ Për turizmin e brendshëm, Fafa Resort promovon paketa të ndryshme ofertash gjatë periudhave jashtë sezonit, duke u fokusuar në festat kryesore dhe duke ofruar çmime konkurruese sidomos për moshën e tretë.\\\ Zona e Golemit dhe Fafa Resort janë përshtatur për trendet e turizmit të aventurës, kulturor dhe të shëndetit, duke bashkëpunuar me operatorë turistikë lokalë dhe duke ofruar aktivitete të larmishme kulturore dhe sportive, ushqime të shëndetshme dhe evente të dedikuara.\\\ Sfidat e mundshme gjatë vitit 2025 perceptohen si mundësi për mësim dhe zhvillim të mëtejshëm përmes punës dhe përkushtimit të vazhdueshëm.