Në një kohë kur teknologjia po transformon jetën dhe sigurinë, Hikvision solli në Shqipëri risitë më të fundit në sektorin e mbikëqyrjes dhe kontrollit për profesionistët dhe bizneset. Eventi prezantoi kamera, sisteme audio, interkomë dhe menaxhim parkimi që thjeshtojnë operacionet dhe rrisin sigurinë pa kosto të panevojshme. Një prej teknologjive kryesore është Smart Search, që lejon gjetjen e shpejtë të një incidenti duke vizatuar në ekran zonën e dëshiruar, duke kursyer kohë administrimi. AcuSearch shkon më tej duke ndjekur automatikisht persona ose makina në rrjetin e kamerave, duke ndihmuar në zgjidhjen e rasteve të humbjes apo vjedhjes. Teknologjia ColorVu siguron pamje me ngjyra edhe natën, pa nevojën e ndriçuesve shtesë, ideale për dyqane, magazina apo parkingje që punojnë në errësirë. Kamerat me dy lente monitorojnë dy zona njëkohësisht, duke kursyer instalime dhe mirëmbajtje. Sistemet me audio integrojnë altoparlantë që paralajmërojnë në hyrje të zonave të ndaluara, duke rritur sigurinë në ambientet industriale. Për menaxhimin e parkimeve, kamerat e njohjes së targave hapin barrierat automatikisht për automjetet e autorizuara, pa ndërhyrje njerëzore, duke rritur kontrollin dhe shmangur keqpërdorimet. Radarët anti-rrëzim parandalojnë përplasjet me barrierat. Sistemet moderne të interkomit mundësojnë hapjen e derës nga telefoni, marrjen e video-mesazheve dhe ndryshimin e zërit për privatësi, duke ofruar komoditet për profesionistët që punojnë nga shtëpia. Kontrolli i aksesit përfshin kartela, gjurmë gishti, kode PIN dhe identifikim fytyre, të menaxhueshme përmes aplikacioneve. Sistemet audio lidhin muzikën, njoftimet dhe alarme në një platformë të vetme, të përshtatshme për ambiente të ndryshme si shkolla, dyqane apo fabrika.