Business Magazine dhe AlbaniaTech rikthyen për fundvitin e 2024 konkursin “Business Leaders”, duke vendosur në qendër të vëmendjes zërin e audiencës. Me një proces votimi të hapur dhe të ndarë në dy faza – nominime dhe votime ditore – u shpallën fituesit në katër kategori kyçe që reflektojnë transformimin e peizazhit të biznesit shqiptar. 🥇 Sipërmarrësi i Vitit – Shefqet Kastrati Një figurë e njohur në sipërmarrjen shqiptare, Shefqet Kastrati u vlerësua nga publiku për impaktin dhe përmasën e kontributit të tij në ekonominë shqiptare. 🥇 Sipërmarrësja e Vitit – Gladiola Dona Themeluese e Hospitality and Tourism Academy, Gladiola u veçua për qasjen e saj autentike, për edukimin e brezit të ri në turizëm dhe për promovimin e sipërmarrjes etike. “Flas troç dhe jap shumë informacion. Kam fansa nga të dy krahët – sipërmarrës dhe punëmarrës.” 🥇 Startup-i i Vitit – Neura.al I zhvilluar nga “Nullius in Verba”, Neura po revolucionarizon teknologjinë shqiptare me Text-to-Speech dhe Speech-to-Text në gjuhën shqipe. “Jemi të vetmit që ndërtojmë modele AI për shqipen. 2025 do jetë viti i asistentëve digjitalë për qendrat telefonike.” 🏆 Neura përfitoi gjithashtu 10,000 € në shërbime konsulence nga Alban Global. 🥇 Influenceri i Vitit – Azmer Duleviç Inxhinier elektrik dhe edukator online, Azmer është kthyer në një zë të rëndësishëm në mediat sociale. \"Mediat online më dhanë mundësinë të jem më afër komunitetit dhe të ofroj ndihmë dhe këshilla në kohë reale,\" tregon Azmer. “Business Leaders” është një reflektim i zhvillimit dinamik të sipërmarrjes në Shqipëri – një hapësirë ku inovacioni, guximi dhe ndershmëria marrin vlerësimin që meritojnë. Faleminderit të gjithë votuesve dhe finalistëve. Shihemi në fundvitin e 2025!