Platforma ndërkombëtare Wolt, lider në shërbimet e dërgesave të ushqimit dhe produkteve, ka nisur operimin në Durrës, duke sjellë për herë të parë në këtë qytet përvojën moderne të porositjes online. Banorët dhe vizitorët tashmë mund të shijojnë ushqime dhe produkte të ndryshme nga restorantet, marketet dhe dyqanet lokale – pa dalë nga shtëpia. Përmes aplikacionit apo faqes zyrtare, përdoruesit mund të porosisin nga KFC, Likos Burgers, Yogurteria, Uma Food & More, si dhe rrjete supermarketesh si Conad. Në listën e zgjeruar përfshihen edhe dyqane lulesh, telefonash dhe shumë biznese të tjera që do t’i bashkohen së shpejti platformës. Shërbimi mbulon të gjithë qytetin e Durrësit, përfshirë zonën e plazhit, me dërgesa të garantuara nga ora 08:00 deri në 23:00, çdo ditë. Brenda një rrezeje prej 4 km, përdoruesit përfitojnë dërgesa të shpejta dhe produkte të freskëta, të sjella në kohë rekord. “Qëllimi ynë është të lidhim banorët me bizneset e tyre të preferuara, përmes një platforme të thjeshtë dhe të besueshme,” u shpreh Dimitris Karelos, Menaxher i Përgjithshëm Rajonal i Wolt. Me ndjekje në kohë reale, pagesa të sigurta dhe një ndërfaqe intuitive, Wolt synon jo vetëm t’i shërbejë klientëve, por edhe të mbështesë bizneset lokale, duke u ofruar një kanal të ri digjital për të zgjeruar bazën e tyre të klientëve. Aplikacioni është tashmë i disponueshëm për iOS dhe Android, ndërsa përdoruesit e rinj mund të përfitojnë oferta dhe zbritje ekskluzive me rastin e nisjes së shërbimit në Durrës.