Marketingu i së ardhmes, këshilla praktike nga Renato Civili

Marketingu digjital ka marrë një rol vendimtar në bizneset shqiptare, pasi mbi 80% e klientëve fillimisht bëjnë kërkime online para çdo blerjeje. Edhe kur vendimi final merret në dyqane fizike, impulsi dhe motivimi shpesh lindin nga interneti dhe rrjetet sociale. Megjithatë, shumë kompani ende nuk arrijnë rezultatet e dëshiruara, duke humbur klientë dhe mundësi të rëndësishme. Për të adresuar këtë sfidë, Renato Civili, drejtori ekzekutiv dhe bashkëthemelues i Digital Academy Albania, ka publikuar librin “Strategjia Fituese”, një udhëzues praktik me 10 hapa për të rritur shitjet, biznesin dhe ndikimin e markës. Libri është menduar për sipërmarrës, menaxherë dhe profesionistë të marketingut që duan të përdorin fuqinë e platformave digjitale në mënyrë strategjike. Libri ndahet në tre pjesë kryesore: Mendësia, Strategjia dhe Transformimi. Në pjesën e Mendësisë, lexuesit mësojnë të mendojnë si marketerët më të suksesshëm; pjesa e Strategjisë përshkruan 10 hapat kryesorë për të ndërtuar dhe zbatuar një strategji digjitale; dhe Transformimi tregon mënyrat për të fuqizuar punonjësit dhe klientët si ambasadorë të markës. Çdo hap përmban shembuj konkretë, figura dhe sfida praktike që mund të aplikohen menjëherë në biznes. Me mbi 15 vjet përvojë dhe më shumë se 2,000 profesionistë të trajnuar, Civili ka bashkëpunuar me kompani të mëdha si Balfin Group, OTP, BKT, Credins Bank, Fibank, Porsche Albania dhe të tjera, duke i ndihmuar të rrisin shitjet, ndikimin dhe autoritetin në treg. Mesazhi kryesor i librit është se rezultatet nuk vijnë vetëm nga njohuria teorike, por nga veprimi i drejtuar dhe strategjik. Libri thekson pesë mesazhe kyçe për marketingun modern: njohja e klientit ideal, ndërtimi i besimit, fuqizimi i stafit si ambasadorë të markës, përdorimi i kujdesshëm i inteligjencës artificiale dhe autenticiteti mbi perfeksionin. Civili këshillon që marketingu nuk duhet të fokusohet vetëm te shitja e menjëhershme, por te krijimi i marrëdhënieve afatgjata dhe pozicionimi strategjik që garanton zgjedhjen e parë të klientit kur ai është gati të blejë. Për më shumë informacion dhe për të shkarkuar sfidat praktike, librin mund ta gjeni në AkademiaDixhitale.com/libri. Ekspertët e fushës, si Jonila Janku dhe Dr. Altin Sholla, vlerësojnë ndikimin e menjëhershëm të trajnimeve të Civilit dhe thjeshtësinë me të cilën ai e bën marketingun praktik dhe të aplikueshëm.