Vjeshta e këtij viti premton të sjellë një valë freskuese inovacioni dhe zhvillimi teknologjik në Shqipëri dhe rajon. Me një seri eventesh të mëdha që përfshijnë panaire, konferenca dhe samite, profesionistët e teknologjisë, sipërmarrësit dhe entuziastët e inovacionit do të kenë mundësinë të lidhen, të mësojnë dhe të ndajnë ide që do të ndikojnë të ardhmen. Nga rikthimi i shumëpritur i Future2Tech dhe AllWeb në Tiranë, te Slush'D Albania dhe AI Tech Summit në Shkup, këto ngjarje janë mundësi të arta për të gjithë ata që dëshirojnë të jenë në qendër të zhvillimeve teknologjike dhe inovative. Le të hedhim një vështrim mbi disa prej eventeve më të rëndësishme në kalendarët tuaj këtë vjeshtë.

Rikthehet Future2Tech, panairi më i madh i teknologjisë dhe inovacionit në vend.

Future2Tech, panairi i shumëpritur i inovacionit dhe sipërmarrjes erdhi këtë vit në datat 9-10 tetor tek Pallati i Kongreseve, me më shumë energji dhe mundësi se kurrë më parë. Ky panair, i organizuar nga Iceberg Exhibitions dhe Albaniatech, është bërë një pikë referimi për të gjithë ata që janë të interesuar në teknologji dhe inovacion. Me 100 biznese që morën pjesë në panair dhe rreth 5000 vizitorë, ky event solli së bashku lider të industrisë, startup-e premtuese dhe investitorë të “etur” për të zbuluar idetë e reja që do të ndryshojnë të ardhmen.

Këtë vit, organizatorët kishin planifikuar një program të pasur me sesione paneli, prezantime, demonstrime dhe rrjete të tjera të ndryshme. Ky format i diversifikuar siguroi që çdo pjesëmarrës të gjejë diçka të vlefshme dhe të përshtatur për interesat dhe nevojat e tyre.

Çfarë pati këtë vit?

Inovacione të reja: Një sërë kompanish prezantuan teknologjitë dhe zgjidhjet e tyre më të reja, duke u dhënë vizitorëve mundësinë të shohin nga afër zhvillimet më të fundit në industri. Sesione edukative: Programi i pasur me sesione paneli dhe workshops ofruan njohuri praktike për pjesëmarrësit. Rrjetëzimi dhe bashkëpunimi: Panairi vazhdon të jetë një platformë e shkëlqyer për rrjetëzim dhe krijimin e partneriteteve të reja.

Përqafo të ardhmen: Zbulo fuqinë e AI në AllWeb Tirana!

Konferenca vjetore që diskuton çështjet digjitale është gati për edicionin e saj të 15-të, të 7-të në Tiranë, Shqipëri. Me një qasje të re të orientuar në tregjet rajonale tashmë, biznesi dhe shoqëria duhet të trajtojnë temat e fushës digjitale, pasi ato nuk po bëhen thjesht një pjesë masive e punës dhe jetës sonë, por janë ndër më të rëndësishmet për vitet që vijnë.

Konferenca bashkon ekspertë nga sektorë të ndryshëm, përfshirë komunikimin, marketingun & teknologjinë, duke ndikuar ndjeshëm në ekonominë e tregut digjital. Mos harroni të përfitoni nga mundësia për të qëndruar përpara, duke marrë pjesë në konferencën një ditore në Tiranë, më 7 Nëntor, tek Katedralja Ortodokse.

“Eksperienca jonë dëshmon se investimi në mjetet dhe kanalet digjitale është mënyra e vetme për kompanitë dhe organizatat për t’u zhvilluar dhe qenë konkurrues. Prandaj fokusi ynë në marketingun digjital, digitalizim dhe transformim të biznesit ishte zgjedhja e duhur për qasjen e AllWeb e orientuar në të ardhmen,” – theksoi Gerti Boshnjaku, bashkë-organizator i konferencës.

AllWeb vazhdon të tejkalojë pritshmëritë çdo vit, duke ndikuar fort në marketingun digjital të Shqipërisë dhe në rajon, si dhe në skenën e inovacionit dhe biznesit në tërësi. Eventi do të ofrojë përmbajtje të cilësisë së lartë nga folës ndërkombëtarë, rajonalë dhe lokalë.

Më 7 Nëntor, skena e AllWeb do të mirëpresë më shumë se 10 folës nga Britania e Madhe, Danimarka, Austria, etj, por edhe folës rajonalë nga Bosnja, Shqipëria, Maqedonia, etj.

“Temë qëndrore për konferencën e këtij viti është AI, e cila udhëheq evoluimin e marketingut dhe mundëson markave të navigojnë me precizion në peizazhin digjital dhe të ofrojnë përvoja të paharrueshme të markës. Folësit do të diskutojnë aspekte të ndryshme të temës, duke përfshirë krijimin e përmbajtjes, reklamat, analizat, sjelljen, kreativitetin dhe komunikimin,” – shton Darko Buldioski, një nga themeluesit dhe drejtori i programit të konferencës.

Organizatorët ofrojnë bileta Super Early Bird për anëtarët e tyre më të përkushtuar dhe të besueshëm. Këto bileta do të jenë në dispozicion për një kohë të kufizuar dhe në sasi të kufizuar online në allweb.digital së shpejti.

ALLWEB lindi në Maqedoni në vitin 2012 si një konferencë vjetore, duke shfaqur përmbajtje cilësore, folës fantastikë dhe raste studimore, të gjitha në një vend, brenda një dite. Në vitin 2016, revista Business Mag Albania e solli atë në Shqipëri.

AI Tech Summit rikthehet në Shkup në Tetor!

AI Tech Summit, ngjarja kryesore për entuziastët dhe profesionistët e inteligjencës artificiale në Ballkan, do të rikthehet në Shkup më 3 dhe 4 Tetor në National Opera and Ballet. Samiti i këtij viti premton të jetë një ngjarje e jashtëzakonshme, duke sjellë një listë të shkëlqyer folësish nga disa prej kompanive kryesore të teknologjisë në botë. Si eventi më i madh për inteligjencën artificiale në Evropën Juglindore, AI Tech Summit pritet të tërheqë mbi 700 pjesëmarrës dhe 25 folës nga sektorë të ndryshëm. Pas suksesit të edicioneve të mëparshme në Shkup 2023 dhe Malaga në prill 2024, ky edicion i tretë pritet të jetë më ndikuesi deri më tani. Pjesëmarrësit do të kenë mundësinë unike të njohin inovacionet më të fundit në AI dhe të dëgjojnë nga ekspertët kryesorë që përfaqësojnë gjigantët globalë si Microsoft, Amazon, Google, NVIDIA, Netflix, UBS, dhe shumë të tjerë. Samiti do të mbulojë një gamë të gjerë temash, nga zgjidhjet më të avancuara teknologjike deri te aplikimet praktike të AI në industri të ndryshme

Rikthehet në datat 14-27 tetor “EU Code Week”.

Shënoni datat në kalendarët tuaj, sepse data për EU Code Week 2024 është vendosur. Këtë vit, ngjarja juaj e preferuar e kodimit do të zhvillohet më 14-27 tetor! Datat e zgjedhura për këtë vit janë përzgjedhur me kujdes përmes një përpjekjeje bashkëpunuese që përfshinte 43 Code Week Ambassadors, 83 Leading Teachers dhe gjashtë anëtarë të tjerë të komunitetit të EU Code Week, që vijnë nga 29 vende. Qëllimi ishte të sigurohej që Code Week 2024 të përputhet pa probleme me preferencat dhe disponueshmërinë e komunitetit tonë të larmishëm.

Por prisni, çfarë është saktësisht EU Code Week?

Shumica prej jush tashmë e dini, por për ata që janë të rinj në komunitetin e Code Week – EU Code Week është një lëvizje në nivel bazë që feston krijimtarinë, zgjidhjen e problemeve dhe bashkëpunimin përmes programimit dhe aktiviteteve të tjera teknologjike. Në fakt, ideja është të bëhet programimi më i dukshëm dhe të inkurajohet njerëzit e të gjitha moshave të eksplorojnë botën e programimit, të zbulojnë kënaqësinë në krijimin me kod dhe të fitojnë aftësi të vlefshme dixhitale për të ardhmen.

Për më tepër, për ta bërë EU Code Week 2024 edhe më të rëndësishme, ne ju bëjmë thirrje të regjistroni aktivitetet tuaja në hartën e EU Code Week. Është një proces i thjeshtë që siguron që eventi juaj të marrë njohjen që meriton. Gjithashtu, duke shtuar aktivitetin tuaj në hartë, ju kontribuoni në festimin kolektiv të kodimit dhe na ndihmoni të tregojmë larmishmërinë e ngjarjeve që zhvillohen në të gjithë Evropën.

Këtu është një kujtesë se si të regjistroni aktivitetin tuaj: Vizitoni faqen e internetit të EU Code Week dhe hyni ose krijoni një llogari nëse nuk e keni bërë ende. Shkoni te seksioni “Add Activity” dhe plotësoni detajet e eventit tuaj. Dhe, pasi aktiviteti juaj të jetë regjistruar me sukses dhe të keni përfunduar ngjarjen tuaj, është koha ta raportoni atë. Shikoni videot tona ndihmëse mbi How to Report your Code Week Activity dhe How to Get your Code Week Certificate.

TIFF 2024: Një udhëtim përmes filmave ndërkombëtarë dhe trashëgimisë kulturore

Edicioni i 22-të i Tirana International Film Festival (TIFF), një nga ngjarjet më prestigjioze të kinemasë në Shqipëri dhe rajon, u zhvillua nga data 22 deri më 28 shtator 2024. Ky festival, që kualifikon për Oscars® dhe European Film Awards, solli mbi 200 premiera filmash nga mbarë bota, duke përfshirë projekte të shkurtër dhe të gjatë në zhanre të ndryshme. Një nga veçantitë e këtij edicioni ishte programi RetrospectTIFF, që i kushtohet aktorit legjendar Marcello Mastroianni. Për të nderuar 100-vjetorin e lindjes së tij, TIFF shfaqi katër nga filmat më të rëndësishëm të karrierës së tij, përfshirë klasiket e njohura si: “8 e Mezzo” dhe “La Dolce Vita” nga regjisori i madh Federico Fellini. Në vijim të festivalit, filmi shqiptar Kapedani u shfaq për herë të parë i restauruar në format 4K. Kjo komedi klasike, që vazhdon të jetë një referencë kulturore për breza të tërë, pati premierën e saj në kinemanë Millenium. Për herë të parë, TIFF prezantoi filma të krijuar me inteligjencë artificiale (AI), duke sjellë një program inovativ të shoqëruar me diskutime rreth ndikimit të AI në kinematografi. Kjo hap një horizont të ri për audiencën dhe krijuesit e filmit.

Jeni gati të tregoni fuqinë tuaj të biznesit në një skenë globale? Get in the Ring Albania 2025 është mundësia juaj për të shkëlqyer!

Thirrje për të gjitha Startup-et! Jeni gati të tregoni fuqinë tuaj të biznesit në një skenë globale? Get in the Ring Albania 2025 është mundësia juaj për të shkëlqyer! Në përpjekje për të inkurajuar inovacionin dhe zhvillimin e bizneseve në Shqipëri, programi “Get in the Ring Albania” (pjesë e patentës Get in the Ring Global konkursit më të madh të start up-eve në nivel global), ka hapur aplikimet për kompanitë dhe start-up-et që dëshirojnë të marrin pjesë në këtë rrugëtim. Ky program ofron një platformë të veçantë dhe të suksesshme, me qëllim mbështetjen e kompanive të reja në gjetjen e investimeve, bashkëpunimeve dhe rritjes së tyre në treg, jo vetëm në Shqipëri, por edhe ekspozimin e tyre edhe në nivel global.Bëhuni pjesë e garës më emocionuese për startup-e, ku inovacioni krijon impakt. Prezantoni idetë tuaja novatore, paraqituni përpara investitorëve më të mirë dhe lidhuni me liderët e industrisë.

Slush’D vjen edhe në Shqipëri! Bëhuni gati për një event unik në datën 24 tetor.

Tirana Slush’D është eventi i parë Slush’D në Shqipëri, i fokusuar në mbështetjen e themeluesve dhe transformimin e ekosistemit të startup-eve. Synon të nxisë inovacionin duke lidhur skenën ndërmarrëse shqiptare me Ballkanin, Evropën dhe vendet nordike, duke ofruar një platformë për rrjetëzim, ndarjen e njohurive dhe bashkëpunim. Ky event synon të mbështesë themeluesit dhe të përmirësojë si ekosistemet startup shqiptare ashtu edhe ato ndërkombëtare, duke i lidhur ato me rajonin më të gjerë të Ballkanit, Evropën dhe vendet nordike. Eventi do të zhvillohet në Piramidën e Tiranës më 24 Tetor 2024. Vetë vendi shton tërheqjen e eventit, duke ofruar një sfond të veçantë për këtë mbledhje të rëndësishme të komunitetit të startup-eve.

“European Festival Civic Education” vjen në Tiranë në datat 14-17 Nëntor 2024.

NECE Prep LAB në Tiranë synon të krijojë skenën për festivalin duke angazhuar aktorë lokalë dhe duke eksploruar peizazhin e edukimit qytetar në Shqipëri dhe rajonin përreth. Si një mbështetës kryesor i Festivalit NECE, Fondacioni Shoqëria e Hapur | Ballkani Perëndimor u përfaqësua në takimin fillestar të Prep LAB nga Vlora Rechica, Analiste Programi në #OSFWB. Ajo theksoi se OSF ka mbi 30 vjet që i është përkushtuar promovimit të konceptit të një shoqërie të hapur. Tani, zyra rajonale po e çon më tej këtë angazhim duke fuqizuar aktorët rajonalë për të formësuar të ardhmen e përbashkët të të gjithë rajonit. Në Festivalin e këtij viti NECE, do të eksplorohet tema e shumëanshme e BORDERS, duke shqyrtuar implikimet e tyre në ndryshimet klimatike, shkrim-leximin dixhital, punën në komunitet dhe migrimin. Me sesione interaktive, panele dhe çmime, ky festival është platforma e përsosur për edukatorët dhe palët e interesuara që të lidhen, të mësojnë dhe të krijojnë strategji vepruese.

Vjen edicioni i tretë i BSides Tirana!

Mbajtur në zemër të Tiranës, BSides Tirana është një konferencë dinamike dy-ditore për sigurinë kibernetike që premton të frymëzojë dhe angazhojë individë me interes në sigurinë kibernetike.

Me një ambient bashkëpunues të dizajnuar për të lehtësuar shkëmbimin e informacionit dhe ideve, BSides Tirana shërben si një lidhje jetike mes profesionistëve të sigurisë së informacionit dhe komunitetit të gjallë teknologjik në Tiranë. Pas sulmeve kibernetike në Shqipëri, bëhet e qartë se sa kritike është siguria kibernetike për çdo organizatë, biznes, apo qeveri. Është e rëndësishme të sigurohemi që të gjithë të jenë të përgatitur për sfidat e sigurisë së sotme. BSides Tirana ofron një mënyrë të vlefshme për ju dhe organizatën tuaj për të ndërtuar lidhje me komunitetin e sigurisë së informacionit; lidhje që mund të çojnë në një forcë punëtore më të arsimuar, praktika më të forta të sigurisë dhe një botë më të sigurt për të bërë biznes.

Këtë vit, eventi priti një listë të folësve ekspertë nga e gjithë bota, të cilët trajtuan tema kritike si AI/ML, malware, ransomware dhe më shumë. Pjesëmarrësit gjithashtu patën mundësinë të marrin pjesë në workshop-e teknike falas, të dizajnuara për të përmirësuar aftësitë e tyre në sigurinë kibernetike. BSides Tirana 2024 ishte eventi i duhur për ata që janë të etur të mësojnë, të ndajnë njohuri dhe të krijojnë rrjete me vendimmarrësit e industrisë.

Zbuloni çelësin e suksesit në konventën “Suksesi është qëllimi yt “!

Për herë të 7-të, po organizohet konventa që ka ndryshuar jetën e mijëra njerëzve: “Suksesi është Qëllimi Yt”!

Më 26 Tetor, në Prishtina Mall, bashkohu me qindra pjesëmarrës nga e vendet e ndryshme në një ditë të jashtëzakonshme të frymëzimit dhe zhvillimit personal në Sallën Cinestar! Kjo është një mundësi unike për të mësuar nga folës të njohur dhe për të eksploruar tema që janë në qendër të suksesit dhe inovacionit:

HR dhe lidershipi, Forex dhe investimet, Pasuritë e paluajtshme, Shitjet dhe strategjitë e biznesit, Inteligjenca Artificiale (AI), Teknika të reja meditimi dhe shumë të tjera. Pse duhet të jeni pjesë e kësaj konvente? Sepse suksesi nuk është vetëm një ëndërr—është një qëllim! Dhe ky është vendi ku ju filloni rrugëtimin tuaj drejt tij. Inspirim, Mësim, Rrjetezim – gjithçka në një vend të vetëm! Jini gati të ndryshoni jetën tuaj dhe të shënoni fillimin e një kapitulli të ri të suksesshëm.

Vjen në 19 & 20 tetor eventi – MENDO, NDRYSHO, FITO .

A ke menduar ndonjëherë sa mirë do të ishte po të kishte një mënyrë ku ti mund të mësoje në pak ditë, informacione që do të ta bëjnë jetën më të mirë? Për shembull, të mësosh si të tërheqësh në jetën tënde çdo gjë që dëshiron…Ose si të jesh më i fokusuar, më i lumtur, më i qartë për qëllimet e tua…. Ndoshta dëshiron të krijosh marrëdhënie më të mira me veten, ose me familjen, miqtë, kolegët… Këto gjëra mund t’i mësosh në këtë trajnim, dhe na beso kur të themi se është një trajnim që nuk e ke përjetuar asnjëherë më parë. Diferenca mes atyre që janë të lumtur e të suksesshëm dhe pjesës tjetër, është mënyra se si ata i interpretojnë këto sfida? Por po sikur të të themi se “problemi” yt më i madh tani, të është dërguar posaçërisht për të të përmirësuar jetën? Pse mendon se të vijnë vazhdimisht mendime se mund të kesh një jetë më të mirë? A po kërkon të jetosh një jetë më të mirë? Të jesh më i/e përmbushur dhe të çlirosh gjithë atë potencialin që ndodhet në brendësinë tënde?

Ky trajnim mund të jetë ajo që ti ke pritur gjatë gjithë jetës tënde!

Global Albanian Gastronomy Festival po vjen: Rezervo stendën tënde në panairin më të madh tregtar jashtë vendit!

Berlini, një qytet i njohur për diversitetin e tij kulturor dhe skenën e gjallë kulinare, është gati të presë një tjetër ngjarje të rëndësishme për shqiptarët. Pasi skuadra e kombëtares na përfaqësojë denjësisht në Gjermani këtë vit, tashmë janë kompanitë tona që duan të shënojnë “gola” në tregjet evropiane duke u bërë pjesë e panairit më të madh tregat shqiptar të organizuar jashtë vendit, Global Albanian Gastronomy Festival (GAGF). Kjo ngjarje e rëndësishme, e cila do të zhvillohet më 2-3 tetor 2024 në Arena Hall Berlin, premton të jetë një mundësi e jashtëzakonshme për partneritete të reja biznesi në sektorin e gastronomisë, të kombinuar me elemente të trashëgimisë kulinare dhe kulturore nën moton “Aty ku tradita takohet me tregtinë”. Më shumë se 20,000 restorante në botë janë të themeluara nga pronar shqiptar. Andaj, ky panair është një potencial i madh bashkëpunimi mes tyre dhe kompanive tona që ofrojnë produkte cilësore, me kohë të shpejtë dorëzimi dhe me çmime konkuruese, gati për të depërtuar në tregjet evropiane. Nga ana tjetër, ky panair do të jetë gjithashtu një festë për kontributin e gjithë gastronomëve shqiptar nëpër botë dhe arritjet e tyre të suksesit.