Nga një vajzë që ëndërronte mjekësinë, në një udhëheqëse suksesi në teknologji – rrugëtimi i Leonora Mehmetaj Hajdinit, CEO e Novus, është një histori frymëzimi, guximi dhe përkushtimi. Sot, ajo drejton një nga kompanitë më të spikatura në rajon për siguri kibernetike, zhvillim softueri dhe digjitalizim. Novus, me mbi 150 projekte të realizuara, ka shtrirje në Kosovë, Shqipëri, Maqedoni të Veriut, SHBA, Gjermani, Zvicër, Algjeri, Kamboxhia e më gjerë. Kompania ofron zgjidhje të avancuara në infrastrukturë, siguri dhe digjitalizim për sektorin publik dhe privat. Në një intervistë ekskluzive, Leonora ndan: Sfidat e fillimit në Kosovë, ku mungesa e ndërgjegjësimit për rëndësinë e sigurisë kibernetike kërkonte edukim të tregut. Strategjitë për zgjerim ndërkombëtar, përmes partneriteteve dhe certifikimeve të nivelit të lartë. Zgjerimin në Shqipëri, si një hap strategjik për të ofruar ekspertizë në një treg në zhvillim. “Ne besojmë te cilësia, profesionalizmi dhe përfshirja, – thotë Leonora, – dhe jemi krenarë që 55% e stafit tonë janë gra.” Ajo fton gratë e reja të futen në botën e teknologjisë pa frikë: “Mos u ndalni nga pengesat – teknologjia ka nevojë për lidere të reja. Besoni në veten tuaj.” Novus, një emër që qëndron për inovacion, siguri dhe përkushtim – tani edhe në Shqipëri.