Platforma kineze e tregtisë elektronike Temu, në pronësi të PDD Holdings, është shndërruar brenda një kohe të shkurtër në një fenomen në tregun shqiptar. Me një gama të gjerë produktesh me çmime të ulëta, marketing agresiv dhe algoritme inteligjente për personalizimin e përvojës së blerjes, Temu ka fituar shpejt popullaritet tek konsumatorët vendas. Sipas Erand Sulës, anëtar i Bordit të AECA dhe themelues i Ultra C.E.P., suksesin e Temu në Shqipëri e kanë ndihmuar strategjitë efikase të marketingut, çmimet konkurruese, dhe modeli i menaxhimit të centralizuar që përfshin logjistikën dhe pas-shitjen. Megjithëse koha e dorëzimit varion nga 12-14 ditë, ajo kompensohet nga larmia dhe kostot e ulëta. Ky rritje ka sjellë një sfidë për sektorin postar dhe logjistik, duke rritur kërkesën për përmirësim të infrastrukturës dhe kualifikimin e stafit. Kompanitë si Ultra C.E.P. po investojnë në automatizim dhe shërbime më fleksibile, për të përmbushur kërkesat e tregut në zhvillim. Rritja e dërgesave ndërkombëtare ka kërkuar gjithashtu bashkëpunim të ngushtë me autoritetet doganore dhe përmirësim të sistemit të adresimit në vend. Sipas parashikimeve, dërgesat ditore nga Temu në Shqipëri pritet të arrijnë në 10,000 njësi, duke testuar kapacitetet aktuale. Në këtë kontekst, tregu vendas po has vështirësi për të konkurruar me platformat ndërkombëtare për shkak të mungesës së investimeve në infrastrukturë digjitale dhe strategji marketingu. Pavarësisht kësaj, rritja e Temu mund të sjellë mundësi për operatorët logjistikë lokalë, siç është edhe rasti i Ultra C.E.P., për të zgjeruar shërbimet dhe për të bashkëpunuar me platformat globale. Prania në rritje e Temu mund të nxisë gjithashtu hyrjen e platformave të tjera ndërkombëtare si Amazon apo eBay, duke e bërë tregun shqiptar më tërheqës për investime në e-commerce. Në përfundim, ndërsa Temu po forcon pozitat në tregun shqiptar, sfidat logjistike dhe mungesa e përgatitjes së tregut vendas mbeten çështje kyçe për një zhvillim të qëndrueshëm në afatgjatë.