Delibros, restoranti i njohur për burgerat gourmet në Tiranë, ka hapur së fundmi një pikë të re në rrugën e Kavajës, pranë hyrjes së Bllokut të Ambasadave, duke shënuar një kapitull të ri në zhvillimin e brand-it. Me këtë hapje, Delibros synon të afrohet më shumë me klientët që vlerësojnë ushqimin cilësor dhe përkushtimin ndaj përbërësve të freskët dhe recetave artizanale. Filozofia e restorantit mbetet e pandryshuar: mishi i freskët që nuk kalon në ngrirje, buka e pjekur çdo ditë, qepa e karamelizuar me kujdes dhe pastrami që përgatitet për javë të tëra për të arritur shijen më të mirë. Secili burger është një eksperiencë unike, duke tejkaluar perceptimin e zakonshëm për fast food. Identiteti vizual i ri i Delibros, me ngjyrë të gjelbër, simbolizon freskinë, lidhjen me natyrën dhe përkushtimin ndaj ushqimit të shëndetshëm. Restoranti synon që cilësia e tij të njihet jo vetëm brenda, por edhe jashtë Shqipërisë, duke e pozicionuar si një destinacion ku ushqimi shihet si kulturë dhe standardi i lartë është i pandryshueshëm. Delibros përfaqëson jo vetëm një burger të shijshëm, por edhe një angazhim të qartë për inovacion, përbërës të freskët dhe eksperiencë të kujdesshme, duke e bërë çdo vizitë një moment të veçantë dhe të paharrueshëm për konsumatorët e qytetit.